Lapa Uitgewers: 468 books

Olinka bevind haar nie op hierdie bootreis vir 'n vakansie nie; sy is op 'n speurtog. Maar 'n besprekingsfout maak dat sy haar kajuit met 'n man moet deel, een wat sy net sal moet weerstaan.

Beaudine keer terug na die wildplaas waar sy die man wat sy liefhet aan 'n ander vrou afgestaan het. Hier kom sy voor hom in 'n rolstoel te staan, die ander vrou steeds aan sy sy.

Xanthe is in die Amazone om haar vriendin se troue af te neem. Die oomblik wat sy in Bence se oerwoudgroen oe kyk, raak haar kniee lam. Wanneer hulle egter in mekaar se geselskap is, spat die vonke behoorlik ...

Monalisa is in Rome om haar ouma se vintage trourok op te spoor. Sy ontmoet vir Luca, 'n suksesvolle modeontwerper, en saam pak hulle die soektog aan. Sy verloor haar hart op hierdie enigmatiese man. Maar sy is nie die enigste nie.

loiselle is by angelique parfumeurs om die geur van afrodite - die godin van liefde - in 'n bottel parfuum vas te vang. nie om haar hart te verloor nie! nie op haar baas francois valour of die geheimsinnige kenzo wat sy by die maskerdans ontmoet nie.

Arend het nie ooghare vir Liabelle nie. Sy het onwetend sy erfplaas voor sy neus weggeraap. Hy word 'n doring in haar vlees, maar sy intense oe - en sy soene - veroorsaak vlinders in haar hart.

Bronwen Lindeque raak verlief op die sjokolateur, Sylvain Dubois, by wie sy 'n sjokolateurskursus in Frankryk loop. Sy stem in om sy duiwe op te pas, maar toe een wegraak, vertroebel hulle verhouding.

Cameo bevind haar in 'n sprokiesagtige villa. Maar hier is ook 'n haatlike vrou. En 'n onweerstaanbare man. Durf sy hom met haar hart vertrou of is hy deel van iets sinister?

Toe Genevieve se danskontrak nie hernu word nie, gaan lek sy haar wonde op Indigobaai. Hier laat 'n man die sensualiteit in haar herontwaak. Maar daar is reeds 'n vrou in sy lewe.

Olivia staan vir haar identiese tweelingsussie in as haar kerel se meisie. Dis nie net 'n gewaagde speletjie nie; daar kan harte breek. Dit kom Olivia gou agter, maar nie gou genoeg nie.

Vasti Pienaar se dogter, Liela, raak verlief op Magnus, die skool se nuwe hartebreker. Vasti keur die verhouding nie goed nie, veral nie toe sy Magnus se aantreklike pa, die befaamde argitek Tertius Roodt, ontmoet nie.

Pippa se geluk as nuwe spabestuurder van 'n luukse oord word 'n nagmerrie toe sy besef wie die oord se eienaar is: 'n deurtrapte skelm wat haar vyf jaar gelede uit haar casinogeld verkul het.

In Frankryk gaan Cara haar reuse liefdesteleurstelling afskud en mans eens en vir altyd vergeet. Maar toe kruis haar paadjie met die van die onmoontlik aantreklike Philippe en sy verloor haar hart een nag in Parys.

Kan dit werk en aanhou werk, met 'n ouderdomsverskil van vyf jaar tussen Katja en die jonger Isao? Of is kennis en opregte liefde groter as die groenoogmonster en bitter herinneringe? Dit moet Katja self uitvind.