Lapa Uitgewers: 468 books

Die tweelingdokters in die spreekkamers reg langs Melani se nuwe besigheid is albei ewe sjarmant. Dis egter Lourens wat haar hart verower, maar hy wil verder studeer en het nie tyd vir 'n verhouding nie ...

Toe Sureta hom bitter nodig gehad het, het hy spore gemaak, nou wil Kobus Hattingh huisie-huisie speel. Kwansuis om sy seun te leer ken. Maar dis te laat. Die kans sal sy hom glad nie gee nie.

Bernette is dol op die lieflike ou opstal op die plaas wat sy geerf het. Sy wil dit restoureer en in 'n gastehuis omskep ... as dit net nie vir Henk Hugo se irriterende inmengery was nie.

Marile vertrou glad nie die Werner-vent wat met haar oupa konkel en haar kniee lam maak nie. Hy is immers net nog een van die mans wat in haar geld belangstel. Of maak sy 'n fout?

Met haar ligte vliegtuig doen Ansu Hugo Nell miljoene rande se skade aan. Sy skuld hom nie net baie geld nie, maar moet ook vir 'n ruk by hom op die plaas bly. In 'n rolstoel.

Brink de Meyer se terugkoms Sitrusville toe het al wat hubare vroumens is op hol. Almal behalwe Tharien. Hy's van die bodorp en sy 'n motorwerktuigkundige. Maar Brink draai net om haar. Onthou hy nie hulle geskiedenis nie?

Jare gelede het Mercia haar liefde vrygelaat, soos mens 'n boemerang van jou af weggooi. Nes die boemerang het haar liefde nou na haar toe teruggekeer. Sal sy hierdie keer daarin slaag om dit vas te hou en vir altyd te koester?

voor die kerk pluk anel haar bruidskoene uit en hol. tot in haar erfhuisie in knysna. kunskenner gustav kemp &quote;ontdek&quote; haar kunswerke en sy moet vasstaan - dis net 'n rookskerm om haar ouma se kunsskatte te bekom.

Zack is nie een vir langtermynverhoudings nie. Hy stel bloot vir Emma as sy galerybestuurder aan omdat hy nie vir sy vriend Hanno kan nee se nie. Buitendien is Emma 'n gewone Griet, glad nie sy soort nie en tog ...

&quote;is hy 'n bleeksiel met 'n dikraambril?&quote; vra sy haar ma. maar toe die diep stem agter haar antwoord, besef riette dadelik haar fout, want brett is allesbehalwe! sy weet die held in blou jeans gaan haar hart laat les opse.

Na 'n bitter ongelukkige huwelik bevind Anina, 'n enkelma, haar op Fynbos tot sy weer 'n pos in die stad kan kry. Haar toekomsplanne sluit nie in dat sy haar jeugliefde weer hier raakloop nie.

ron, die omroeper van die klassieke musiek-radiostasie se stem, is soos musiek vir kate se ore. en wanneer sy hom in lewende lywe ontmoet, besef sy dat dit nie net sy stem is wat haar bekoor nie.

'n Verwerpte filmster vlug na haar erfplaas in Suid-Afrika. Daar vind sy 'n aantreklike vreemdeling wat kan bewys hy het die reg om die plaas vir vyf jaar te huur. Sy teenwoordigheid laat haar hart vinniger klop - hoe nou gemaak?

Aan die kant van die siedende rivier wil sy bly, weet Analet toe sy by Jan Boermann gestrand raak. Maar Arno wag. En Boermann is getroud. Hoe dan as sy weet hulle is vir mekaar voorbestem?