O camiño da Estadea

Unha videochamada ía mudar a vida de Said e Sheila para sempre. Levaban semanas sen falar devagar des que Said se instalara en Suíza, onde vivía con Irina e traballaba nun laboratorio de investigación. Os tres amigos foran convidados a participar na inauguración dun gran centro comercial en Bambari, no centro de África, o maior complexo do continente, un acontecemento global ao que iría moita xente famosa, de diferentes campos. Todo o que pasou logo foi algo raro, que non era o esperado nin remotamente, para unha viaxe de lecer. Algo que non lles cadraba e que os obrigará a comprometerse e asumir riscos. O camiño da Estadea é a aventura final de Sheila e Said, culminando a serie futurista de temática ecolóxica iniciada hai dúas décadas con Perigo vexetal, unha saga que ten catro entregas anteriores publicadas na colección Merlín de Xerais.