Rika Du Plessis: 18 books

'n Verwerpte filmster vlug na haar erfplaas in Suid-Afrika. Daar vind sy 'n aantreklike vreemdeling wat kan bewys hy het die reg om die plaas vir vyf jaar te huur. Sy teenwoordigheid laat haar hart vinniger klop - hoe nou gemaak?

Marina se werk by Lusoord is die verwesenliking van 'n droom ... tot sy uitvind die plek behoort aan Kobus Verwey en sy familie. Sy word verplig om 'n geheim uit die verlede op die lappe te bring voordat sy haar regmatige plek in Kobus se hart kan inneem.

Sonita moet voorgee sy en haar eksverloofde is herenig omdat hy andersins gaan praat oor 'n geheim in haar lewe. Sy sou kon, as dit net nie vir sy aantreklike en sagsinnige neef was nie ...

Tanja Vermeer het Suid-Afrika toe gekom om 'n vreemdeling se vrou te word weens onoorkombare probleme. Die man wat haar op die lughawe kom haal, is egter allesbehalwe wat sy verwag het.

Linda se nuwe plaasbestuurder is toe nie die vreemdeling waarvoor sy hom aangesien het nie. Hy dra kennis van haar verlede en hy hou dit teen haar, al verloor sy haar hart op hom.

Annico gaan werk as veearts op die ryk Christo Burger se plaas teen die sin van haar snobistiese ma. Sy geniet die werk baie, maar daar is onderstrominge tussen haar en Christo wat haar baie omkrap.

Janine moet 'n antieke kissie vir haar pa gaan haal op 'n plaas waar hy voorheen gewerk het. Alles verloop vlot tot sy genoodsaak word om die kissie te steel en dan met die weerbarstige Cor te doen kry ...

Walda brand steeds 'n kersie vir haar eksverloofde maar sy weet nie eens waar om hom op te spoor nie. Toe sy hom onverwags raakloop, herken hy haar nie. Vermakerigheid? Of herken hy haar werklik nie ...?

Christa Burger en dokter Derek Havenga is haaks vanaf die eerste oomblik wat hulle ontmoet. Maar die moeilike dokter is haar vennoot in die vakansieoordwoonstelle op Lambertsbaai. Stadig baan wrewel die weg vir liefde, totdat Derek se eksverloofde weer haar opwagting maak.

Kayla erf 'n Bosveldplaas, mits sy trou voor sy vier en twintig is. Maar die enigste man wat haar erfenis kan red, het haar lank gelede 'n onreg aangedoen. En hier kom hy nou haar hart vermurwe ...

Bianca vlug op haar troudag, en kruip weg op 'n vreemdeling se plaas wat vir haar werk aanbied. Hulle stamp koppe, en hy stoot haar telkens weg. Tot die dag van haar ongeluk ...

Sandra dag nog sy huur net twee vertrekke, toe's sy verloof. Roelf Botha boelie haar behoorlik, dreig haar af. Sy veg teen sy arrogansie, maar haar lyf en haar hart werk nie saam nie. Nog minder die natuur.

jennifer se hart mis 'n slag. waldo, die man wat sy nooit kon vergeet nie, staan weer voor haar. maar hulle kry nie 'n tweede kans nie, want hy onthou haar nie ... en is verloof. tog laat ou liefde hom nie so maklik afskud nie.

Die laaste ding wat Kristel verwag toe sy op haar plaas instap, is Zac aE ' moeilik, aantreklik en volgens hom die eienaar van Groen Eike. Noodgedwonge moet hulle tydelik saamwoon, maar hulle is dadelik haaks of is dit eerder liefde met die eerste oogopslag?