Bets Smith: 14 books

hierdie omnibus is 'n samestelling van drie van bets smith se vorige romanzas, die towerformule, liefste valentyn en engel sonder vlerke.

Marlet se droomman weet blykbaar meer van haar donker geheim as wat sy gemeen het. En hy is ook nie wie sy gedink het hy is nie. Maar dit is nie die einde van die pad nie.

Die lyfwag: Lourens Marken is 'n vleier, 'n vrouehartdief met 'n misdaadrekord. Wat soek hy op die berg saam met die TV-span? Die verste ster: Mieke weet sy is net navorsingsassistent vir Ian McLachlan, astrofisikus, half verstrooide wetenskaplike. Maar sy's besig om hopeloos te val vir hom.

Deniell weet goed doktor Christoff Killian wil nie 'n vrou op sy versamelekspedisie na Mapungubwe he nie. Sy staal haar teen die plantkundige se bruuskheid, probeer uit sy pad bly, maar bly 'n doring in sy vlees.

Benno Kannemeyer se huweliksaansoek bring vir Annanie Mynhardt en haar seun, Marco, uitkoms uit 'n onhoudbare situasie. Durf sy dit aanvaar as sy niks meer daaruit kry as om 'n ma vir sy dogtertjie te wees nie?

Die befoeterde grotman wat Katinka by die nuwe kantoor leer ken, se oe is nou wel viooltjieblou. Maar 'n grotman verstaan nie hartstog en teerheid nie. Of verstaan hy dit juis beter?

Wouter Mulder se soen toe sy vyftien was, het 'n reeks gebeure ontketen wat vandag opnuut hulle loop neem. Hy glo Stefanie nie, spot met haar, dink sy het 'n verhouding met 'n getroude internasionale akteur.

Liefde het plek gemaak vir haat in Rudolf Dreyer se oe. Hy glo Catriona was vir sy broers se teregstelling verantwoordelik, al stel sy haar lewe in gevaar vir die Boere ... en haar liefde vir hom.

Minette se laaste studiejaar ontaard in 'n nagmerrie toe sy self moet sorg vir elke sent wat sy benodig. Sy waardeer beslis nie die enigmatiese dokter Hugo Storm se ongevraagde inmenging in haar lewe - of haar hart - nie.

Het sy maar die geheim geken van die nag toe Rudolf Dreyer by haar in die grot gebly het. Hy sestien en sy net agt. Oorlog dreig en Catriona loop hom weer raak, maar hy betaal steeds die prys en hy vermy haar. Sy moet weet wat sy daardie nag verkeerd gedoen het ...

ballet is alles in karmi schoeman se lewe. plek vir mans is daar nie, veral nie getroude mans met dwalende oe nie. dat die lummel van A jaco liebenberg haar interesseer, krap net haar planne deurmekaar.

Wat doen Lourens Marken, pure jappie en aartsverleier, op die berg in die TV-realiteitsoorlewingstryd? Hy't 'n misdaadrekord ... Maar Ika is self onder vals voorwendsels daar en moet fyn trap. Wat is waarheid, spel, manipulasie?

Tydens Isa se wittebrood sterf haar man in 'n tsoenami op die eiland Phuket. By haar terugkeer loop sy die man raak wat haar lewe gered het. Maar skuldgevoelens en 'n gebrekkige geheue vertroebel haar lewe.

reine duvenage word die teiken van 'n sluipjagter. sy oorleef sy aanval, maar kan hom nie identifiseer nie. vasberade om sy taak te voltooi, spoor hy haar tog op waar sy as renette mouton wegkruip.